FAST POST 37: Baha Na, Pulitika Pa Rin?

BAGO ANG LAHAT: Ang post na ito ay may intensyong tawagin ang atensyon ng parehong DDS, Dilawan, Trapo, Bimpo, Balimbing at mga Oportunista. Ngayong ang bayan natin ay nakararanas ng dusa sa gitna ng masamang lagay ng panahon, walang pagkakataon na pulitikahin ang tulong sa mga kababayan.

layout-red-line copy

Kung may kilala akong grupo ng tao na magaling sa double standard, ito ay ang mga Pinoy.

Imbes na gumawa ng mga paraan para makatulong sa mga ganitong oras ng sakuna, nakuha pa ng iba na timplahan ng pulitika ang nakakadiring baha.

Calling out daw yon sa mga taong gobyerno, sabi ng isang kakilala. Kalampag daw na may kasamang sarcasm para mas marinig sa social media at maging viral. Sa isip-isip ko, mas maraming paraan para makatulong. Bakit paglalaanan ng panahon ang mga wala?

Ang iba namang pumupuna sa pagkawala ng mga opisyal ay yung mismong mga taong inaasahan mo ring tumulong. Anong ginagawa nila? Dumadakdak sa social media at gumagatong sa inis ng mga tao. Pero may aksyon ba sila sa ganitong panahong nangangailangan ang mga nasasakupan nila? Wala!

Mali nga siguro na missing in action ang mga opisyal ng gobyerno, pero paano kung hindi naman kailangang mai-media ang tulong nila? Paano kung sobra ang exposure ng pagtulong ng government official, ‘di ba, ang ibubulyaw naman ng marami ay EPAL sila?

Hinahagupit tayo ng trahedyang gawa ng ating kapabayaan sa kalikasan. Maraming nawalan ng tahanan at ari-arian. Tuloy-tuloy ang ulan at tuloy-tuloy rin ang dami ng naaapektuhan. Higit sa pulitika, lahat tayo nawa ay magsilbing lingkod-bayan. Higit sa pulitika, serbisyo publiko muna.

Walang masama kung ibahagi ang pagkadismaya sa aksyon ng pamahalaan sa mga nangyayari ngayon, ngunit mas magandang isantabi muna ang mga ito at gamitin ang boses para manawagan ng mas maraming tulong. Kapag maayos na ang lahat, doon na natin sila simulang kwestyunin. Pasasaan ba’t malapit na ang halalan… huwag lang putaktihin ng ChaCha.

 

 

cropped-article-stoper.png

 

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Baguhin )

Google+ photo

You are commenting using your Google+ account. Log Out /  Baguhin )

Twitter picture

You are commenting using your Twitter account. Log Out /  Baguhin )

Facebook photo

You are commenting using your Facebook account. Log Out /  Baguhin )

Connecting to %s