Mas Masaya Kung Matututo Tayong Makiisa’t Sumuporta! It’s More Fun In The Philippines!

Kahapon ay inilunsad ng Kagawaran ng Turismo ang pinakabagong official tourism campaign ng Pilipinas, ang “It’s More Fun In The Philippines”. Ipinagmamalaki ng DOT, sa pangunguna ni Kalihim Ramon Jimenez, Jr. na ang kampanyang ito ay di lang para eengganyo ang mga turistang pumunta ng Pilipinas, kundi hamunin sila na bisitahin ang Pilipinas at damhin ang tunay na yaman ng bansa — ang mismong mga Pilipinong magbibigay sa kanila ng ngiti at saya sa kanilang pagbisita sa bansa.

Ilang oras pa lang pagkatapos nitong maibalita ay umulan na agad ang sari-saring reaksyon ng publiko sa nasabing kampanya, dahilan kung bakit nag-trending agad sa mga social networking site ang #itsmorefuninthephilippines. Marami mang nagalak sa paglabas ng “It’s More Fun In The Philippines” ay nariyan pa rin ang mga batikos na ginaya diumano nito ang kampanya na “It’s More Fun In Switzerland” na inilabas pa noong 1951. Gayundin, tila ang ineengganyo raw ng slogan na ito ay saya para sa mga sex tourist, drug traffickers at sex workers.

“We need a line that is easily understood. Competitive. ‘More fun in the Philippines’ is true. Keri natin ito (Kaya natin ito),” – DOT Sec. Ramon Jimenez, Jr. on the concept

“Philippines ka ba? Bakit? Kasi you’re so fun to be with. BOOM!” – Rep. Teddy Casino on Twitter.

“Aside from the fun stuff, pati sa lamay, protesta, pila, nakatawa tayo. It’s REALLY more fun in the Philippines. Type ko siya.” – musician Jim Paredez on Twitter.

Ang sa akin lang:

Hindi naman dapat sobrang ‘unique’ ang konsepto ng isang kampanya. Mas maganda nga kung ito’y madaling tandaan, madaling intindihin at madaling maging bukambibig ng maraming taong makakarinig nito. Kaya natin nasasabing ginaya raw ng DOT ang tourism campaign ng Switzerland, animnapung taon na ang nakaraan, dahil WALA TAYONG TIWALA SA KAMPANYA. Humahanap agad tayo ng butas para masabi agad-agad na hindi magiging matagumpay ang programa. Hindi ko maisip kung bakit pati si Sen. Richard Gordon na lumikha ng “WOW Philippines” ay tila minamaliit ang bagong slogan.

JUDGMENTAL ANG MISMONG MGA PILIPINONG BUMABATIKOS DITO! NAKAKALUNGKOT AT NAKAKADISMAYA!

Ang katagang “it’s more fun” ay maaaring bukambibig ng marami at marahil ay marami na rin ang nakagamit. May mga tourism campaign slogan din naman ang nagamit na ng maraming beses sa maraming pagkakataon. Bakit? Dahil kasama na yun sa bokabularyo ng maraming tao.

“The line isn’t a manufactured slogan. It’s simply the truth about our country. Don’t be swayed by people who are trying to punch holes in it,” – Jimenez

NANINIWALA AKO na “it’s more fun in the Philippines” at PROUD AKO na ipagsisigawan ko ang shout out na ito sa buong mundo sa pamamagitan ng social media. Sabihin mo mang itong slogan na ito ay naulit na, walang dudang ang mismong slogan ay isang katotohanan. Sa kabila ng mga kalamidad, kaguluhan at hindi pagkakaunawaan sa ating bansa, marami pa ring dahilan ang isang Pilipino na sabihin sa ating mga kaibigang dayuhan na “it’s more fun in the Philippines!”.

Mas masaya sana kung matututo tayong makiisa’t sumuporta sa kampanyang ito. Maging bukambibig natin ito lagi dahil hindi lang iilang ahensiya o tao ang makikinabang dito, kundi ang imahe natin bilang Pilipino at imahe ng ating bansang Pilipinas.

NAKIKIISA ANG AURORA METROPOLIS SA KAMPANYANG ITO DAHIL TOTOO NAMAN… “IT’S MORE FUN IN THE PHILIPPINES!”

Maraming salamat sa ABS-CBN News at Yahoo News sa mga impormasyon sa artikulong ito.

Ang Pakiramdam Ng Namatayan Ng Isang “Kaibigan”

Ilang minuto lang ang nakararaan ay nagse-surf ako sa isang group ng Facebook at may nakita akong isang Youtube link na ang pamagat ay “Cat tries to wake up dead friend” (uploaded June 24,2010 location: Turkey). Sinubukan kong tingnan ang video at hindi ko aakalaing bubuhos ang luha ko sa aking napanood. Sinaliwan ng kantang “My Immortal”, ipinapakita sa video na sinusubukang gisingin ng puting pusa ang isang itim na pusa na tila natutulog lang. Apat na minuto lang ang video, pero ayon sa nakalagay na impormasyon doon, apat na oras niya itong ginigising sa pamamagitan ng pag-apak nito sa katawan at pagtulak nito sa ulo. Patay na ang pusa, pero ayaw niyang sumuko sa pagpapabangon dito. Maya’t maya’y hihinto ito sa paggising at tatabi sa itim na pusa na tila pinoprotektahan ito sa mga taong nakapansin ng nakakalungkot sa sandaling iyon. Sa huli, dinala ng mga tao ang patay na pusa sa beterinaryo, kasama ang kaibigan nito na nagtiyagang gawin ang lahat, mabuhay lang ang kaibigan. Mahigit 500,000 na ang nakapanood sa video na ito, at ilan sa mga nagkomento, tulad ko, ay hindi napigilang umiyak sa nakakaantig na video.

Ang hayop at tao ay parehong nilalang ng Diyos, bagamat tayo’y pinanganak na kawangis ng Panginoon. Magkagayunman, ang mga hayop ay may malaking importansiya sa ating mga tao sa napakaraming bagay. Alaga man ang turing natin sa kanila, marami sa atin, higit pa sa pet ang turing… kundi isang kaibigan.

Sa aming pamilya ay nag-aalaga kami ng isang aso at isang kuneho. Pero sa kabila niyon ay tinuturing namin silang kapamilya. Lagi ko ngang pinagmamalaki na hindi ako ang bunso ng aming tahanan kundi sina Bruce (isang Japanese spitz na dinala sa amin noong Valentines Day 2005 mula sa kaibigan ng aking kapatid) at si Bunny (isang gray rabbit na dala ko bilang souvenir mula sa dati kong trabaho noong New Years Day 2009). Masaya kaming nakakasalo sila sa aming araw-araw na buhay. Kung ano ang kinakain namin ay yun din ang kinakain nila. Kinakausap na parang tao. Katabi ng aking mga magulang sa pagtulog tuwing siesta. Hinahalikan natin lagi-lagi kahit bawal sa aming magkapatid (pareho kaming may allergy sa buhok ng hayop). Masaya kami nung dumating sila sa aming pamilya at mas sumaya pa kami nung naging bahagi na sila.

Pero masakit mang isipin, darating ang panahon na sila’y mawawala sa amin. Tulad ng mga tao, walang katiyakan kung hanggang kailan sila mananatili. Higit sila sa pagiging kaibigan. Hindi man sila nakakapagsalita ay pinapakita nila sa kani-kanilang paraan kung gaano ka nila kamahal, kung gaano sila nag-aalala at kung gaano ka nila ituring na mahalaga sa buhay nila.

Sana, sa mga nakakabasa nito, pahalagahan natin ang lahat ng hayop. MAHALIN NATIN SILA. Para sa akin, ang mga hayop ang mga PINAKA-TAPAT, PINAKA-LOYAL, PINAKAMAGALING NA LISTENER, PINAKAMALAMBING at PINAKAMAGALING na KAIBIGAN sa buong mundo. Sana kayo rin.

Iba pang video na aantig sa inyong mga puso, mula sa Youtube:

Dos Mil Dose: Mula Sa Kabataan Ng Maynila, Para Sa Kabataan Ng Bansa

Nitong Disyembre 21, 2011 ay inilunsad ng inyong lingkod ang pinakabagong fanpage sa Facebook na pinamagatang “Manila Youth Interactive“. Sa kasalukuyan, ito ang una’t natatanging online portal na naglalayong pag-isahin ang mga hilig at tinig ng mga kabataang Manilenyo. Ang fanpage na ito ay suportado ng tanggapan ng Youth Development and Welfare Bureau ng lungsod sa pangunguna ng direktor nitong si Arch. Dunhill E. Villaruel.

Dahil aktibo ang maraming kabataan sa social networking, partikular sa Facebook, nilikha ang Manila Youth Interactive upang gamiting instrumento ng sektor na nangangalaga sa pagpapaunlad at pagkalinga ng kabataan, upang iparating sa kanila ang mga programang hain para sa kapakanan ng mga kabataan ng Lungsod at maging ng ibang kabataan sa Pilipinas. Hatid din nito ang iba pang mahahalagang balita at impormasyon na maaaring makatulong sa kanilang kaalaman, at dito’y hahayaang marinig ang kanilang mga komento, suhestiyon at pananaw sa nais nilang mapag-usapan at ma-share sa kanilang kapwa kabataan.

Ngayong pagsisimila ng taong 2012, inihahandog ng Manila Youth Interactive ang temang kanilang ihahain para sa kabataang Manilenyo, “DOS MIL DOSE: Dose-dosenang Saya At Pakikipagkapwa. Mula Sa Kabataan Ng Maynila. Para Sa Kabataan Ng Bansa”.

Ang unang profile picture ng Manila Youth Interactive sa taong 2012

Ang temang ito ay nagbibigay-kahulugan sa magiging misyon ng kabataan ng Lungsod ng Maynila. Kasabay ng pagdiriwang ng kanilang mga libangan at luho, handang handa rin sila na kunin ang hamon ng panahon at makiisa sa pakikipagkapwa-tao at pakikiisa sa mga proyektong tutulong sa pag-unlad ng bayan.

Sa tulong ng Manila Youth Bureau ay ipo-post sa Manila Youth Interactive ang mga aktibidad kung saan kaisa ang mga kabataang Manilenyo. Para maging fan, mag-login sa inyong Facebook account, i-click ang link na ito ( http://www.facebook.com/ManilaYouthInteractiveOfficial ) at pindutin ang LIKE button sa tabi ng pamagat upang maging updated sa mga post dito.

Mabuhay ang kabataang Manilenyo!